jeudi 16 décembre 2010

لماذا تجب مساندة سوسن معالج ؟

كان جات أم كلثوم عايشة، و غنات هل رأى الحب سكارى في عصرنا هذا، درا قداش كان يكون عدد محبي صفحة "توس كونتر أم كلثوم"، و ما تقولوليش كلثوم كانت شريفة بنت الفاضل كيما صوروهالنا في هاك المسلسل المصري، نحكيو على اللي غنات عرفت الهوى مذ عرفت هواك و انتا فين والحب فين و هوا صحيح الهوى غلاب و حانة الأقدار ... حاصيلو مانيش فاهم كيفاش جيل أربعين سنة إلتالي متفتح أكثر من جيل "لول" و الفايسبوك..

الفنان و رجل الدين و الكوارجي و الرابير عندهم أدوار مختلفة في المجتمع، ما يجيش تطلبو مالممثل يحكي نص رجل الدين و الفيلسوف يحكي كي أخصائي العلاج الطبيعي، هكا يولي إختلاط في الأدوار.

الفنان سوكارجي، زطال، بليد، قبيح، يقول الكلام الخايب و يبزق أون بوبليك، متمرد و ما يهموش في الوضع، باد بوي ولا باد ڨيرل، و يقول/تقول ماذا فاكا بين الجملة و أختها.. هاذي سنة الفنانين و المبدعين ماللي بدات الدنيا، من أبو نواس و زرياب إلى ليوناردو دافنشي و مايكل أنجلو، إلى ميلان فارمير و سوسن معالج و غيرهم ..

المهم ما تطالبوش الفنان كي يعطي رايو في موضوع و لو كان ديني، بش رايو يكون كيما الشيخ في نفس الموضوع..

و يا عيني عالحجج بودورو متاع شدو عليها زوز تصاور تشرب معناها كونفرماسيون متاع نظرية تحارب في الإسلام، مالا على حساب هذا جمهور الإفريقي كي غنى كومندو كي العادة و زدمنا بالعينو، يتسماو يحاربوا في الإسلام ؟ حاشا الإفريقي بالطبيعة، يا خويا قيدوها صدقت بارولات الغناية، ولا ماهيش كليبستية؟ سوسن معالج كوماندو كي العادة و زدمنا بالعينو، يدبرشي عليها حد ؟

يا جماعة صحيح، إلي تهديدات القتل ممكن كلام فارغ، و لكن حتى أم شاب حسني ممكن كان ماشي في بالها إلي التحريض و التهديد كلام فارغ،.....

و ڨالو حسني مات ..

و أكبر الحكايات يبداو بالكلام الفارغ..

براف، كلثوم يرحمها كان جات حية راهي تحب لأفريقي كيما قال لاخر، و راهي غنات كومندو كي العادة و زدمنا سكارى

آ بون إنتندور..

7 commentaires:

  1. المشكل أكبر من حكاية سوسن معالج، الراجل يدعو إلى الجهاد والعودة إلى الخلافة الاسلامية وداخل سب وعار في الاعباد لصنعو مجد تونس.
    كان باش تولي الحيوانات الكل تحل في جلوغاطها تو تولي البلاد كالعراق وأفغانستان. الطفل لازم ياكل كفوف باش يتعلم يقرا كتاب في بلاصة ما يسب العباد.

    RépondreSupprimer
  2. @Mtira: wa7dek fil ta3bir. Beyin 3lik weld fannena sarf :)
    @A Tunisian Atheist: vraiment ma9wek wou ma9wa klemik. Miselich ta3tini quelques titres mt3 ktob 9rithom fammechi manwalli dhkiyy kifek ken matrach meni3 bien sur? ;)

    RépondreSupprimer
  3. @Hannibal: commence par "Le Petit Chaperon rouge", c'est déjà pas mal.

    RépondreSupprimer
  4. ياخي هكا الفنان بالنسبة ليك !!! سامحني خويا تغلط برشا علاش أتدخلو في الدين في كل شي و زيد بينهم و بين ألي خلقهم بأما صيفة تحاسبوا فيهم أنتوما

    RépondreSupprimer
  5. elle est nulle et ce qu'elle fait est encore pire, il vaut mieux qu'elle parle plus parce qu'elle essaye de propager des idées fausses

    RépondreSupprimer
  6. @A Tunisian Atheist ton premier commentaire est choquant j'ai l'impression que les gens comme toi aiment bien la violence et ne savent pas instruire une dialogue, je vois de la vulgarité, violence et ignorance dans ton commentaire.

    RépondreSupprimer