jeudi 6 octobre 2011

ماني ناسي كبّولي ماء الفرق في عينيا





التدوينة هاذي إجابة للي يحاولوا يسوّقوا فكرة نهضة عشرة ملاين حبيناها، قالها نوفل الورتاني يفدلك، ياخي فما إلي خذاها بالجد، في البدأ اقترح تشغيل فيديو اغنية ماني ناسي للافريقي للمرافقة باللّحن،


 و بلوغة الكورة نقدملكم النهضة كما أراها:

عام ألفين قالو يا مولانا يا العالي يا الله انصر الماطري و هذاكا آش نتمنا يعني
 بقدرة ربي و حتى لآخر الدنيا درابو آل بعلول عالي و جامي يفنى،.. ماني ناسي عام ثمانين كبّولي ماء الفرق في عينيا، هدّولي حياتي فجّرولي الوِتلة تحت ساقيا، ماني ناسي عام ثمانين كبّولي ماء الفرق في عينيا، هدّولي حياتي فجّرولي الِوتلة تحت ساقيا، يا مولانا يا العالي يا الله طز في النهضة و هذاكا آش نتمنا، بقدرة ربي و حتى لآخر الدنيا درابو تونس عالي و جامي يفنى،.. ماني ناسي الجبالي قال صهيون مثال ديمقراطية،  تمهيد إل صلح الحديبيّة كي خواتهم في تركيّة، ماني ناسي مورو قال ما تعارضوني الجنة راهي ليا، و ثنيّتها مالدورة إلي ورا الزنڨة هاكيا، ماني ناسي بن سالم قال بورقيبة يهودي فمتا شنية، و أمير قطر بندر بندر وطنية، ماني ناسي قال دوعاجي و جماعة تحت السور كلوشرات و باندية، و غنوشي قال ولاد الجامعات يبيعو البلاد لولاد الأجنبية، ماني ناسي عام ثمانين كبّولي ماء الفرق في عينيا، حمادي الجبالي إستعرف  بهالقضيّة، ماني ناسي المنّاعي و العَمري كشفوا مسؤلي ثاني قضيّة، هدّولي حياتي فجّرولي الوِتلة تحت ساقيا،


بي آس: مانيش من محبي الكليب و مانيش مالعاصمة، و تحياتي لجمهورها



6 commentaires:

  1. ماني ناسي حرقوا العباد الحية في باب سويقة ! يتمولهم صغارهم و الجبالي أستعرف بالهل الحقيقة ! ماني ناسي قنبلوا في سوسة و المستير ، حبوا يشعلوا في البلاد الحريقة ! أما ما ننساش أنو إلي ينتخبهم مريض بالتصطيكة !

    RépondreSupprimer
  2. Bien dit Mtira ..et zid fi 2éjtimé3hom fi sousse wléd ilvirage ili rak7oulhom la salle olympique guénéw :" matchidounéch 3al nahdha ..matchidounéch.."
    3ammik rchouda lé3ibli féha Bikénbawir yé5i tla3 " fik nba3wil" mta3 la série A de notre révolution..
    ""... Mia casa Mia nahdha hakka n3ichou ..raya7 kamikaze yalfaniya dirli photo...""

    RépondreSupprimer
  3. كلام جميل كلام معقول مقدرش أقول حاجة عنه :))

    RépondreSupprimer
  4. gaddech atak elkarwi bach kallek tchouf min aam 2000......ماني ناسي كبّولي ماء الفرق في عينيا

    RépondreSupprimer